Valor nutricional do ovo | Gadis Saudable

A clara e a xema son os contidos comestibles de calquera ovo, un alimento que posúe un alto valor nutritivo e que pode proceder de diferentes especies. Neste caso, imos coñecer o valor nutricional do ovo, tanto no seu compoñente da xema como da clara.

Os ovos pódense comprar nos nosos supermercados Gadis en calquera momento do ano. Están considerados alimentos ricos en nutrientes e substancias non nutritivas. Posúen proteínas, ácidos graxos monoinsaturados, iodo, fósforo, selenio, vitamina B, riboflavinas, niacinas, vitaminas A e D e folatos.

Valor nutricional do ovo

O ovo é un dos alimentos máis completos que existen. Dispón dunha gran cantidade de nutrientes e dun equilibrio perfecto entre aminoácidos e proteínas. A súa achega de enerxía non é moi elevada, xa que apenas contén 84 calorías. A proteína que leva é de máxima calidade e conta cun elevado poder biolóxico.

Así mesmo, contén uns niveis altos de ácidos graxos monoinsaturados. Do grupo das vitaminas, destacan as dos grupos A, B e D. O fósforo, o iodo e o selenio son os minerais que se achan principalmente no valor nutricional do ovo.

Valor nutricional da xema de ovo

A xema de ovo ten 55 calorías e unha porcentaxe do 8% de graxa saturada. Ademais, conta cun 5% de proteína e cun 1% de potasio. Hai que destacar que o 50% da xema é auga e o resto repártese entre proteínas e lípidos. Estas proteínas aprovéitanse mesmo se se consume a xema sen cociñar.

Os 4,8 gramos totais de lípidos que ten un ovo están na xema. Destes lípidos, 4 gramos son acedos graxos (o 35% saturados e o 65% insaturados). Na xema tamén hai colina, un elemento que prevén a deterioración cognitiva que se asocia co envellecemento.

Valor nutricional da clara de ovo

As proteínas da clara do ovo só se dixíren se se consume crúa. Por cada 100 gramos de clara de ovo, obtéñense os seguintes elementos:

• 3,5 gramos de proteínas.
• 0.3 gramos de hidratos de carbono.
• 49 calorías.
• Vitaminas A, B1, B2, B6, D e E.

A clara do ovo só ten proteína e vitaminas, nada de graxa e moi poucas calorías. Ten un elevado índice de vitamina B co que o corpo gaña en enerxía e en formación de glóbulos vermellos.

Que é máis saudable, o ovo frito ou o ovo cocido?

Cando falamos do valor nutricional do ovo, hai que distinguir entre o ovo frito e o ovo cocido.

O ovo frito axuda a reducir a tensión arterial. De feito, a súa xema contén péptidos, unhas proteínas que se desdobran ao cociñar. O ovo cocido, pola súa banda, favorece ao cabelo, ás uñas e ao cerebro. A xema deste ovo ten un alto contido en vitaminas A, B, E e D e acedo fólico.

En realidade, o ovo frito non é malo para a saúde. O que debemos controlar é o nivel de aceite que se usa, o que pode carrexar a aparición dunha maior cantidade de graxas. Neste sentido, é máis saudable comer o ovo cocido ou á prancha para que as propiedades nutricionais deste alimento non se perdan precisamente co aceite.