Receitas con dátiles frescos para sorprender aos teus fillos

A verdade é que a maneira máis sinxela de comer dátiles é no seu estado natural ou preparados secos, como podes mercar nos nosos supermercados. Pero iso non quere dicir que non os poidas cociñar de distintas maneiras. Así quizais sexa máis sinxelo que os teus fillos os coman e reciban ese aporte extra de enerxía tan necesario.

Como madalenas, galletas, panes, nunha ensalada, para almorzar ou mesmo en batidos. A continuación recomendámosche catro receitas que triunfan entre os máis pequenos da casa.

Pan de dátiles e avena

Engraxa e enfariña un molde para pan e quenta o forno a 175 ºC. Mentres, mestura fariña, polvo para o forno, azucre e sal nunha cunca grande e revolve todo ben para que se combine. Despois, engade a avena e os dátiles e mestura novamente.

Nunha cunca separada, bate ovo con leite. Engade manteiga derretida e vainilla. Por último, combina ambas mesturas e coloca o resultado no forno xa quente durante máis ou menos unha hora. Xa tes un delicioso e san pan para o bocadillo dos teus fillos.

Madalenas de dátiles con noces

Mestura por un lado vainilla, fariña, sal e azucre e, por outro, leite con ovo. Cando ambas mesturas estean listas, combínaas, engadindo despois os dátiles, as noces e a manteiga derretida.
Volve a mesturar ben todo e ó forno durante uns 15 minutos, até que as madalenas estean ben douradas.

Batido vegano de chocolate con dátiles

Coloca nunha batedora dátiles e leite de noz ou avena e bate até que a mestura quede ben suave, uns 30 segundos. Despois, engade plátanos, cacao en polvo, améndoas e canela. Bate novamente todo durante uns 45 segundos até conseguir a textura desexada. Un substituto dos zumes que os teus fillos adorarán.

Muesli de laranxa e dátiles con chocolate

Se estás buscando un almorzo saudable e cheo de enerxía para os teus fillos, aquí tes a resposta. Quenta o forno e estende coco nunha bandexa para o forno, revolvendo ocasionalmente, até que estea dourado, aproximadamente 5 minutos. Despois, pásao a un prato xunto con laranxa picada, dátiles, iogur e avena. Deixa que se arrefríe e sérveo asperxido con sementes ou anacos pequenos de cacao.