Que podo comer para baixar o colesterol malo?

Se tes o colesterol alto malo, estás expoñendo o teu corpo a demasiados riscos. Todo o mundo o sabe, con todo, algúns non dan o paso de controlalo até que se ven forzados por recomendacións médicas. Xeralmente porque o asocian con deixar de comer receitas ricas, pero a realidade é que hai alimentos deliciosos e sans que podes comer para baixar o colesterol.
Se queres reducir esta sustancia cerosa e graxa das túas células e a posibilidade de ataques cardíacos, accidentes cerebro vasculares e a mala circulación, estes son os alimentos que debes engadir á túa dieta.

Avena e froitos secos

Comer de 5 a 10 gramos de fibra soluble ó día axuda a reducir o colesterol malo acumulado nas túas arterias. A fibra, como non é ben absorbida polo intestino, únese ó colesterol no sangue e axuda a eliminalo do corpo. E a avena é unha fonte importante de fibra, xa que proporciona ó redor de 2 gramos por media cunca.
Por outro lado, o consumo regular de froitos secos como noces, améndoas e pistachos está vinculado a niveis máis baixos de colesterol total (incluíndo o malo) e triglicéridos. Isto é así porque conteñen graxas insaturadas, ácidos graxos omega-3, fibra, vitamina E e esterois de plantas. Pero tampouco debes abusar deles, xa que as noces son altas en calorías.

Pescado graxo

Intenta comer a lo menos dúas porcións semanais de pescado graxo, como salmón, xarda, atún, troita ou arenque. Os ácidos graxos omega-3 que se atopan nestes nadadores axuda a mellorar os triglicéridos, un tipo de graxa similar ó colesterol que se atopa no sangue e que pode facer que as túas arterias se volvan duras e grosas.

Fabas, legumes e col rizada

Unha porción diaria de media cunca de fabas ou legumes reduce o colesterol malo nunha media do 5% en só seis semanas. Como a avena, as fabas están cheas de fibra soluble que axuda a barrer o colesterol do sangue. En Gadis podes mercalas xa listas para engadir ós teus tacos, ensaladas e sopas.
A verdura de folla (como a col rizada) únese ó ácido biliar, é dicir, axuda ó fígado a queimar máis graxa, o que á súa vez reduce o colesterol. Potenciarás este beneficio se optas por verduras lixeiramente cocidas en lugar de crúas.

Chocolate negro

Quen di que as larpeiradas non poden ser boas? O cacao tamén reduce o colesterol malo, ó mesmo tempo que aumenta o bo. Ademais, aporta outros beneficios, como o seu efecto antioxidante. Iso si, debes comer chocolate que sexa como mínimo un 70% de cacao.

Aguacate

Grazas á súa fibra e graxa monoinsaturada, os aguacates axudan a reducir o colesterol total e os triglicéridos. A clave é usalos en lugar de alimentos que conteñan graxa menos saudables, como as saturadas. Por exemplo, toros de aguacate no sitio de maionesa nun bocadillo, ou aguacate picado no sitio do queixo nun burrito.