Os 5 mellores almorzos saudables salgados
O almorzo é unha das comidas máis importantes do día. Non en balde, cando durmimos pasamos entre 10 e 12 horas de xaxún, polo que debemos tomar un alimento san e equilibrado para repoñer enerxías. Por esta razón, queremos mostrarche hoxe os 5 mellores almorzos saudables salgados. Os almorzos salgados adoitan achegar ao teu organismo unha enerxía máis duradeira. De feito, poderás gozar dunha maior variedade de alimentos. Ademais, é un almorzo saudable que che axudará a non ter picos altos e baixos de glicosa durante o día. Neste sentido, é moi probable que non sintas a necesidade de consumir moitos azucres. Desde Gadis recomendámosche os seguintes para complementar a túa lista de almorzos saudables.
Os 2 mellores almorzos saudables salgados sen pan
Aquí traémosche dous dos mellores almorzos salgados sen pan que podes preparar. Coñeces o que é o porridge? Un almorzo que está moi de moda e que podes preparar moi facilmente con ingredientes que terás en casa. Unha segunda alternativa son os tradicionais crepes, un alimento que admite unha infinidade de variedades.
Porridge con pemento
O porridge é un almorzo que se compón sobre todo de cereais, froitos secos e anacos de froita. Moitos considérano un dos almorzos típicos británicos, pero ti pódelo preparar de mil maneiras diferentes. Neste caso imos empregar media cunca de avea, 2 champiñóns frescos, 1 cunca de bebida vexetal, 1 culler pequena de aceite de oliva, un chisco de sal e pemento doce, picante ou afumado. O único que tes que facer é mesturar a avea coa bebida vexetal e o sal e poñelo todo a lume lento. A continuación, corta os champiñóns en láminas e dóuraos á prancha con aceite e sal. Unha vez que a avea estea cremosa, sérvela, poslle os champiñóns por encima e espolvoreas todo co pemento.
Crepes recheos con salmón e queixo fresco
Estes crepes están feitos con fariña de espelta, sen azucre e sen manteiga. Só necesitas dous ovos, leite, sal, 1 cunca de fariña de espelta, aceite de oliva, queixo fresco baixo en graxa, salmón afumado e un pouco de mostaza. A masa dos crepes faise cos ovos, o sal, o leite e a fariña de espelta. Unha vez teñas feitos os crepes na tixola, pódeslle engadir o salmón afumado e o queixo fresco ao gusto para encher. Ademais de ser un dos mellores almorzos saudables salgados, poderalo realizar en moi pouco tempo.
Os 3 mellores almorzos saudables salgados para levar
Se non che dá tempo de tomar o almorzo en casa, non te preocupes. Mostrámosche tres dos mellores almorzos salgados para levar. Tortillas, bagels e bocaditos de focaccia. Tres almorzos moi fáciles de facer e aos que lles poderás engadir os ingredientes que máis che gusten. Unha inmellorable maneira de comezar o día.
Tortilla de albáfega con tomate e queixo
Unha tortilla de albáfega con tomate e queixo é un dos mellores almorzos salgados para levar. Tan só necesitas preparar a tortilla e engadirlle os anacos de albáfega a medida que a fas para que se repartan ben. O tomate deberalo cortar en toros moi grosos, do mesmo xeito que o queixo. Neste almorzo é preferible usar queixo mozzarella para que quede mellor. Se colocas os toros de tomate e queixo no medio da tortilla, pódela dobrar para formar unha media lúa. Así terala lista para levar facilmente.
Bagels de ovo e bacon ou o que prefiras
Un bagel é un tipo de pan con forma de hamburguesa que ten un buraco no centro. Un almorzo crocante que podes levar ao traballo e ao que lle podes engadir os ingredientes que desexes. De feito, é un tipo de pan que combina con todo: salmón, queixo, hummus, marmelada, manteiga, froitos vermellos, ovos, carnes frescas, etc. Podes preparar uns deliciosos bagels de ovo e touciño, pero tamén innovar coas túas propias receitas de almorzos saudables salgados. As posibilidades son ilimitadas e ao gusto de cada un.
Bocaditos de focaccia
A focaccia é un alimento enfornado que se elabora con masa de fariña, aceite e auga. Unha excelente alternativa ao pan e que se converte nun dos mellores almorzos salgados para levar. Pódela combinar con infinidade de ingredientes para todos os gustos e estilos. Os bocaditos de focaccia con queixo son os máis habituais. Ademais, admiten practicamente todo tipo de queixos. Poderalos levar e comer tanto quentes como fríos xa que son unha verdadeira delicia.
