Como comer brócoli: cru, ó vapor ou cocido?

O brócoli é un vexetal verde que pertence á familia da col e está dispoñible en moitas variedades. Isto permite que o poidas atopar na sección de frescos dos supermercados Gadis durante practicamente todo o ano. Queres saber como comer brócoli da maneira máis saudable?

Ó ser unha boa fonte de moitos nutrientes como vitaminas e minerais, proporciona grandes beneficios para a saúde. En calquera das formas que o comas, aínda que facelo cru permíteche absorber máis dos seus nutrientes.

Ten efectos secundarios o brócoli cru?

Non hai diferenzas en canto ós efectos secundarios entre comer brócoli cru e cociñado. Así que, se che gusta comelo directamente da túa neveira, do único que debes preocuparte é de limpalo debidamente.

Hai poucos efectos secundarios directamente derivados de comer brócoli cru. Do mesmo xeito que ocorre con outros alimentos, debes evitalo no caso de que sexas alérxico. Polo demais, tampouco está recomendado para persoas con anticoagulantes, xa que o seu alto contido en vitamina K pode producir variacións na coagulación do sangue. Pero isto só é preocupante se comezas a comer moito de golpe.

Aínda que é moi san, non debes excederte co brócoli, algo aplicable á maioría dos alimentos. Demasiados desoxidantes ou fibra dietética tampouco son bos, nin para o corazón nin para o estómago.

Brócoli cocido ou ó vapor?

Como xa vimos ó comezo, a investigación indica que é máis san comer o brócoli cru, porque dese xeito conserva máis nutrientes que o noso corpo pode absorber. Polo mesmo motivo, ó vapor tamén é un pouco máis saudable que cocido. De feito, se só o preparas durante poucos minutos, é probable que aínda te aproveites de todos os seus beneficios.

Cociñalo durante un tempo longo, fai que perda un pouco dos seus nutrientes. Pero se che gusta máis así, tampouco debes privarte de facelo. Porque o brócoli está considerado como un superalimento, así que independentemente de como o comas, é moi saudable para o corpo.