Beneficios e propiedades das froitas con óso
As froitas con óso son un tipo de froita que posúe unha característica moi particular. A semente áchase cuberta por un óso ríxido e rodeado por unha polpa zumarenta e doce. Estas froitas son moi nutritivas, xa que, como veremos a continuación, conteñen unha gran cantidade de vitaminas, minerais e fibra.
Ao mesmo tempo, son unha excelente fonte de antioxidantes que axudan a protexer o teu corpo do dano dos radicais libres. Á súa vez, son ideais para o seu consumo no verán grazas ao seu alto contido en auga. Son, por tanto, unha opción moi refrescante e saudable para manterse hidratado durante estes días tan calorosos.
Propiedades das froitas con óso
Pero, por que debes incluír as froitas con óso na túa dieta do día a día? Pois, sinxelamente, porque son moi saudables e posúen un bo número de beneficios e propiedades para o teu organismo.
Fonte de vitaminas e minerais
Una das principais propiedades destas froitas é que son unha fonte de vitaminas e minerais. Falamos, por exemplo, do pexego, a ameixa ou a nectarina que, ademais de ser moi saborosas, son ricas en vitaminas e minerais esenciais para o teu organismo.
A maioría delas conteñen vitamina C para fortalecer o teu sistema inmunolóxico e promover a absorción de ferro. Ademais, conteñen vitamina A, moi beneficiosa para a saúde dos teus ollos e a pel. Pero, ao mesmo tempo, conteñen minerais como o potasio e o magnesio, indispensables para regular a presión arterial e para a saúde cardiovascular.
Propiedades antioxidantes
Tamén hai que destacar as propiedades antioxidantes das froitas con óso. Posúen, por exemplo, polifenoles e vitaminas A e C que actúan como potentes antioxidantes que axudan a protexer as células do dano causado polos radicais libres. Estes últimos están asociados con diversas enfermidades crónicas e co envellecemento prematuro.
Á súa vez, os antioxidantes destas froitas favorecen unha boa saúde na pel e fan que o teu corpo goce de mellores defensas. Se queres gozar destas propiedades, podes comer froitas con óso de diversas formas.
Favorecen a dixestión
Doutra banda, as froitas con óso contan cunha alta porcentaxe en fibra, un elemento que axuda a promover o tránsito intestinal e previr o estrinximento. Ademais, o seu contido en auga permite que poidas gozar dunha óptima hidratación, algo que tamén resulta esencial para que o teu sistema dixestivo se manteña sempre saudable.
Estas froitas tamén son unha fonte natural de encimas dixestivas, encargadas de descompoñer os carbohidratos e facilitar a súa absorción. Por último, hai que sinalar que os antioxidantes e as vitaminas e minerais anteriores tamén contribúen á saúde do teu sistema dixestivo.
Froitas con óso para comer no verán
Se te achegas a calquera dos nosos supermercados Gadis no verán, vas poder atopar unha gran variedade de froitas con óso:
- Pexego: Rico en fibra e vitamina C.
- Ameixa: Grandes propiedades antioxidantes.
- Nectarina: De pel lisa, é unha fonte de fibra e vitaminas.
- Albaricoque: A froita con óso que posúe máis vitamina A.
- Cereixas: Posúen antioxidantes e propiedades antiinflamatorias naturais.
Todas estas froitas son unha deliciosa opción para que o teu verán siga sendo o máis saudable. Poderás gozar non só de grandes beneficios, senón que te manterás hidratado durante todo o día. Ven a Gadis e enche o teu carro da compra cos mellores produtos frescos e de tempada.
