Beneficios e propiedades da col branca e morada

A col é unha verdura peculiar, porque a podes atopar de diferentes cores e comela de formas moi variadas. O bo é que, sexa cal sexa a túa elección, estarás acertando. As propiedades da col son moi beneficiosas e, por iso, deberías introducila na túa dieta saudable.

Hai dúas dúbidas principais en torno á col. A primeira é se é mellor comela crúa ou fervida. A verdade é que non hai grandes diferenzas. Se ben é certo que é recomendable comer bastantes verduras crúas, os beneficios da col convértena nunha opción saudable, mesmo cociñada. Só debes evitala cocida se buscas aumentar a dose de vitamina C, aínda que está atópase en moitos alimentos.

Por outro lado, é normal preguntarse que é máis saudable: a col branca ou a morada. E a resposta é que ambas son igual de beneficiosas. A súa cor depende simplemente dos niveis de antocianina. Canto máis altos, máis escura será.

Propiedades da col branca e morada

Unha cunca de col contén, aproximadamente:

• 22 calorías (0 gramos de graxa e 0 de colesterol).
• 5 gramos de carbohidratos.
• 2.2 gramos de fibra.
• 1 gramo de proteína.
• 16 miligramos de sodio.
• 151 miligramos de potasio (4% da cantidade diaria recomendada ou CDR).
• 1% da CDR da vitamina A.
• 2% da CDR de ferro.
• 2% da CDR de magnesio.
• 3% da CDR de calcio.
• 5% da CDR da vitamina B6.
• 54% da CDR da vitamina C.

Beneficios da col branca e morada

Coma calquera outro ingrediente, non verás un cambio considerable na túa saúde por engadir só col á túa dieta. Sen embargo, tanto a branca como a morada teñen amplos beneficios. Para empezar, fomentan unha dixestión saudable. Isto débese ó seu contido de fibra. Unha ensalada pode aportarche sinxelamente uns 10 gramos en total, favorecendo a túa dixestión. Pero ademais, axúdache a reducir os niveis de colesterol e azucre no sangue.

Outro dos grandes beneficios da col é a súa capacidade para combater enfermidades crónicas, grazas ó seu alto contido en antocianinas, un flavonoide que, como xa mencionamos, é o responsable da súa cor. Este fitonutrinte protexe contra o estrés oxidativo e a inflamación crónica, aumenta a inmunidade e reduce o risco de enfermidades do corazón e diabetes. Moitas razóns para engadila na túa cesta da compra a próxima vez que visites un supermercado Gadis.

Contraindicacións da col

A col non está recomendada para persoas con problemas de hipotiroidismo, xa que dificulta a absorción de iodo. Comela en exceso tamén pode aumentar os niveis de ácido úrico, pero isto sería só no caso de persoas que realmente abusen do seu consumo. Por outro lado, a col pode producir gases, algo que se evita contrarrestándoa con outros ingredientes saudables como o allo, a cebola ou o xenxibre.