Especial #GadisSalud: o pomelo

Cando entra o outono, as nosas despensas énchense de cítricos. Con todo, o pomelo adoita quedar relegado a un segundo plano fronte ao protagonismo das laranxas e as mandarinas. A pesar das súas moitas propiedades e a súa versatilidade na cociña, utilízase pouco, quizá polo toque amargo que achega. Trátase dunha froita moi equilibrada e beneficiosa para a saúde, que se dixire moi ben. Por iso, hoxe dedicámoslle o especial #GadisSalud, para contarche algunhas das súas múltiples propiedades e darche ideas de receitas para incorporar o pomelo aos teus menús. Queres saber como podes consumilo? Segue lendo!

Orixe e variedades do pomelo

A orixe do pomelo non está moi clara. Con frecuencia, sitúase en Asia, pero, en realidade, non se coñece con exactitude a súa procedencia. Cultívase en áreas tropicais e tépedas, e a produción destínase para consumo en fresco ou para a elaboración de marmelada e zume. A produción mundial rolda os 4.700.000 toneladas, das cales ao redor de 49.000 cultívanse en Europa . Pola súa banda, España é o décimo país do mundo con maior exportación de pomelo.
Existen moitas variedades de pomelo cuxos nomes dependen do lugar de procedencia, o tamaño e a cor. Agrúpanse en dúas grandes familias: brancos ou comúns (con pulpa de cor amarela) e pigmentados. Aínda que os brancos teñen distintas variedades, a Marsh seedless é a máis consumida. As variedades pigmentadas posúen un pigmento chamado licopeno, que é o responsable da súa tonalidade, e a súa popularidade incrementouse notablemente nos últimos 20 anos, desprazando á familia dos brancos. Estas son as variedades máis coñecidas:
– Duncan. De gran tamaño, a súa pulpa é firme, zumarenta e moi saborosa. Ten moitas sementes, un bo nivel de acidez e niveis altos de azucre. Úsase para a elaboración de zume.
– Marsh seedless. Tamén coñecida como pomelo branco, obtívose a partir de sementes da variedade Duncan e converteuse na variedade máis importante a nivel mundial. Ten un tamaño medio, unha cortiza moi lisa e lixeiramente grosa. A pulpa, de cor clara, contén moito zume e apenas ten pebidas. O seu sabor é doce, unha característica que vai gañando conforme avanza a campaña.
– Pomelo rosa. Tamén coñecido como Ruby, Red Marsh, Red Seedless, Red Blues ou Ruby Red. É a variedade pigmentada máis cultivada. De tamaño máis pequeno, ten un ton avermellado externo e interno e apenas ten sementes.
– Star ruby. De tamaño medio, sen sementes e con contidos en zume superiores ao resto de variedades, a súa pel é máis ben delgada, dunha cor entre amarelo tostado e vermello. A súa pulpa é de cor vermella intensa e é menos amargo que outras variedades.
– Río red. Tamén coñecido como Ray ruby ou Henderson, é máis grande que outras variedades pigmentadas, pero a súa cor é algo menos intenso e ten menos zume.

Os beneficios do pomelo

O pomelo ten moitos nutrientes con múltiples beneficios para a saúde, como o fortalecemento do sistema inmunitario, a súa capacidade depurativa ou a súa estimulación para a formación de coláxeno, entre outros. Aquí tes algúns dos máis destacados:
– Pode previr enfermidades cardíacas e accidentes cerebrovasculares, favorece a circulación e mellora o funcionamento do músculo cardíaco grazas ao seu contido en flavonoides.
– O seu efecto antioxidante contribúe á regulación dos niveis de colesterol e á redución dos triglicéridos.
– Grazas ao seu contido en flavonoides, licopeno, betacaroteno e vitamina C axuda a protexer as células do dano causado polos radicais libres.
– Protexe a vista de enfermidades causadas pola idade como a dexeneración macular e as cataratas.
– Pode colaborar no control dos niveis de insulina.
– O seu contido en ácido salicílico prevén o dano articular e actúa como antiinflamatorio, ademais de ser un bo exfoliante para a pel.
– Favorece unha boa evacuación intestinal e prevén o estreñimento.
– A vitamina C favorece a conversión do ferro férrico en ferroso facéndoo máis asimilable e axudando a combater a anemia ferropénica.
A pesar de todas estas bondades, é importante ter en conta que non todas as persoas poden consumir pomelo e estes son os casos nos que hai que tomar precaucións:
– Considerar a interacción con certos medicamentos (bloqueadores das canles do calcio, estatinas e certos psicotrópicos).
– Quen padece refluxo pode ver agravados os seus problemas de acidez e regurxitación.
– As personas con problemas renais deben evitar esta fruta debido ao seu alto contido en potasio.

Cociña con pomelo

O pomelo pode tomarse enteiro, en zumes, batidos, en marmelada ou pode utilizarse na preparación de moitos pratos como salsas, vinagretas, marinados, ensaladas etc. Hoxe compartimos unha receita para os teus menús outonais.

Coxas de pito con pomelo ao romeu

Ingredientes:
– 8 muslos de pito
– 1 pomelo amarelo
– 1 pomelo rosa
– 1 pomelo vermello
– 1 vaso de cervexa
– Romero
– Aceite de oliva virxe extra
– Sal
– Pementa
Preparación
1. Prequenta o forno a 180 ºC con calor arriba e abaixo.
2. Lava os pomelos amarelo e rosa. Pela, curta en toros non moi grosos e colócaos nunha fonte de forno.
3. Espreme o pomelo vermello, coa e mestura coa cervexa.
4. Salpimenta o pito, colócao enrriba dos toros de pomelo e baña coa metade da mestura de cervexa.
5. Engade o romeu e un chorriño de aceite de oliva virxe extra. Enforna 30 minutos.
6. Dá a volta ao pito, baña co resto da mestura de zume e cervexa e enforna 30 minutos máis.
7. Podes terminalo 10 minutos na grella para que quede máis doradiño. Retira do forno e listo para servir!