2 sobremesas sorprendentes
Sobremesas doadas coas que sorprender. Enganaollos de ovo con patacas e de tallaríns con tomate.
Imprimir receita
Equipamento
- 2 Coitelos para cortar e mondar mazá e mango
- Garfo para esmagar as framboesas
- Cazo para ferver mango, nata, ága-ágar
- Biberón para formar tallaríns
- Papel vexetal para poñer tallaríns a refrixerar
- Relador para relar chocolate branco
Ingredientes
- 1 Mango
- 200 ml de nata líquida
- 3 g de ágar-ágar
- 75 g de framboesas frescas
- 50 g de chocolate branco
- 120 g de iogur grego
- 1 Pexego en almibre
- 1 Mazá
- 50 g de frambosas frescas
Elaboración paso a paso
Falso ovo frito con patacas e kétchup
- Pelar e cortar a mazá en bastóns.
- Montaxe do prato: dispoñer o iogur formando un círculo, no centro poñer medio pexego en almibre como se fose a xema.
- Engadir os bastóns de mazá, como se fosen patacas e as framboesas machucadas como se fosen o kétchup.
Falsos tallaríns con tomate
- Pelar e cortar o mango en dados pequenos, engadir a un cazo coa nata e o ágar-ágar, remexer ata que chegue a ferver.
- Triturar a mestura e pasala a un biberón. Facer os tallaríns sobre un papel vexetal e refrixerar 4 horas
- Desapegar con coidado ou con axuda dun coitelo os tallaríns e dispoñelos nun prato fondo, mellor se é negro porque contrasta mellor.
- Engadir as framboesas trituradas, a modo de "salsa de tomate" e relar chocolate branco como se fose o queixo relado.