Garavanzos con peixe sapo
Unha potaxe de rápida preparación con intenso e delicioso sabor a mar.
Imprimir receita
Equipamento
- 1 Pota
- 1 Coador
Ingredientes
- 400 g garavanzos
- 400 g peixe sapo
- 500 ml fumet (caldo de peixe)
- 1 ud cebola
- 1 cda tomate triturado
- 1 chorrito viño branco
- Aceite de oliva
- Ceboliño
- Pementa negra
- Sal
Elaboración paso a paso
- Picamos e rustrimos a cebola a lume lento nun fondo de aceite. Engadimos sal e pementa.
- Retiramos a un coador e reservamos.
- Cortamos o peixe sapo en dados de bocado, aderezamos ao gusto (ideal, no morteiro sal, allo e pirixel).
- Selamos nun chorriño de aceite.
- Incorporamos a cebola. Botamos o pemento, rustrimos uns segundos, regamos co viño branco e deixamos evaporar.
- Engadimos o tomate triturado, deixamos uns minutos a lume medio ata que perda toda a súa auga.
- Cubrimos co fumet, deixamos uns 10 min a lume medio/baixo.
- Nos últimos minutos botamos os garavanzos.
- Servimos con ceboliño acabado de cortar.