Rosca de albóndegas ao forno
As bondades desta rosca de albóndegas en forno son que, ademais de estar deliciosa, é fácil, cómoda, porque se fai en forno, polo que apenas se mancha nada.
Imprimir receita
Equipamento
- 1 Molde redondo
- 1 Mandolina
Ingredientes
- 1 kg carne de tenreira picada
- 4 uds patacas
- 100 g touciño entrefebrado afumado
- 150 g tomate frito
- 130 g olivas negras
- 1/2 cda allo en po
- 1/2 cda cebola en po
- Comiño
- Canela
- Sal
- Aceite de oliva
- Pirixel picado
- 1 cdita mel
Elaboración paso a paso
Preparación da carne:
- Comezamos por sazonar e adubar a carne cun pouco de sal, comiño cun toque lixeiro de canela, allo e cebola en po. Todo ao noso gusto, pero que sexa un gusto xeneroso.
- Engadimos despois o pirixel picado, medio bote de olivas negras picadas e 50 g de touciño entrefebrado afumado ben picadiño. Agora sería o momento de engadirlle á masa unhas rebandas de pan remollado (e escorrido) en leite que lle dará outra textura e substancia á nosa rosca de albóndegas en forno ou en airfryer.
- Amasamos coas mans, que é a mellor maneira de conseguir unha masa homoxénea e ben mesturadiña.
Preparación patacas:
- Cortamos con mandolina 3 patacas medianas. Reservamos.
Montaxe da rosca:
- Empezamos a facer albóndegas coa masa e esmagámolas facendo unha especie de sándwich con 2 láminas de pataca por cada lado da albóndega.
- Colocámolas nun molde redondo e imos formando unha rosca de 2 láminas de pataca, albóndega e dúas láminas de pataca, ata que terminemos o círculo. Cubrimos o centro coas láminas de pataca que nos sobren.
Enfornado:
- Mentres, facemos unha salsa con medio bote de tomate frito rico, 1 cullerada de mel , unha culleradiña de comiño moído e un chorriño de aceite. Mesturamos e reservamos
- Enfornamos a 225 graos durante 15 minutos tapado.
- Mentres, facemos unha salsa con medio bote de tomate frito rico, 1 cullerada de mel , unha culleradiña de comiño moído e un chorriño de aceite. Mesturamos e reservamos
- Retiramos do forno a rosca de albóndegas e poñemos unha culleradiña de salsa sobre cada albóndega.
- Volvemos enfornar outros 15 minutos a 180 graos xa sen cubrir co papel.
