Tiramisú de pistacho
Atrévete a facer este tiramisú con crema de pistacho, unha sobremesa fácil e deliciosa en menos de 20 minutos.
Imprimir receita
Equipamento
- Batedor de varas
- Espátula
- Molde rectangular ou cadrado
Ingredientes
- 3 ovos
- 60 g azucre
- 10 g crema de pistacho
- 500 g mascarpone
- 200 g biscoitos de almorzo
- 300 ml café só
- 50 g pistachos pelados
- 1 pizca sal
Elaboración paso a paso
- Bater as claras a punto de neve cun batedor de varas e engadir un chisco de sal.
- Por outro lado, bater as xemas co azucre ata que dobren o volume.
- Engadir o mascarpone e bater o conxunto.
- Incorporar a crema de pistachos e terminar de mesturar a crema.
- Engadir as claras montadas a punto de neve á crema en dúas tandas e con movementos envolventes, para que non perdan aire.
- Montar o tiramisú: facer capas de biscoitos mollados en café (mollalos un por un con coidado de que non rompan) e crema ata completar toda a preparación
- Arrefriar tapado con papel filme na neveira durante polo menos 6 horas. Dun día para outro está incrible.
Notas
Para facer unha crema de pistachos só necesitas 10 minutos. Tritura os pistachos sen casca cunha trituradora. Faino aos poucos para controlar a textura da crema. Tritura ata o punto que queiras, canto máis a tritures, máis líquida estará.
Proba a adozar a túa crema con azucre, panela, mel ou algún edulcorante.