Falso risotto de tomate e xamón
Sorprende aos teus invitados/as con este falso risotto que, no canto de arroz, xoga coa túa mente usando piñóns de pasta.
Imprimir receita
Equipamento
- 1 Pota
- 1 Coitelo
- 1 Relador
Ingredientes
- 180 g xamón serrano picado
- 1 allo porro
- 200 g tomates variados
- 80 ml viño branco
- 500 ml caldo de carne
- 180 g pasta piñóns
- 50 g pasta de tomate
- Sal
- Ourego
- Pementa
- Alfábega fresca
- 15 ml aceite de oliva
- 50 g parmesano relado
Elaboración paso a paso
- Picar o allo porro e refogalo nunha cazola cun pouco de aceite de oliva 5 minutos.
- Engadir os tomates en anacos, remexer e cociñar 5 minutos.
- Agregar a pasta, remexer e engadir o viño branco. Subir o lume e cociñar 2 minutos.
- Incorporar a pasta de tomate e o caldo. Cociñar 8 minutos sen deixar de remexer.
- Engadir unhas follas de alfábega fresca, parmesano relado e o xamón picado. Servir con máis queixo relado.