Lasaña de atún vermello
Unha deliciosa lasaña de atún vermello fresco de temporada. Un prato único, completo, doado e delicioso.
Imprimir receita
Equipamento
- 1 Tixola
- 1 Fonte de forno
- variñas
Ingredientes
- 1 kg atún vermello fresco
- 400 g salsa de tomate
- 40 g manteiga
- 40 g maicena
- 1 cdita sal
- 1 cdita noz moscada
- 600 ml leite
- 1 cda aceite de oliva
- 150 g queixo relado
- 10 placas de lasaña
Elaboración paso a paso
Para o bechamel:
- Para o bechamel: derreter nunha tixola a manteiga, engadir a maicena e remexer para cociñar durante 2 ou 3 minutos.
- Apagar o lume e engadir o leite que debe estar quente, remexer enerxicamente e volver levar a lume medio sen deixar de remexer ata que espese. Engadir sal e noz moscada. Reservar.
Para o recheo:
- Nunha tixola cun pouco de aceite de oliva cociñar o atún vermello cortado; mentres se vai cociñando e con axuda dunha culler de madeira hai que ir esmigallándoo.
- Engadir a salsa de tomate, mesturar, engadir sal e pementa e deixar que se cociñe 10 minutos a lume medio.
Montaxe y forneado:
- Montar a lasaña nunha fonte apta para o forno: primeiro engadir 2 culleradas de bechamel, placas de lasaña, atún vermello con tomate, repetir ata completar a fonte e os ingredientes. Terminar co bechamel e co queixo relado.
- Enfornar a 180 graos 30 minutos. Os últimos 5 minutos poñer o modo grill para que se gratine o queixo.