Espetadas de mexillóns á grella con salsa de albariño e soia
As cores nas elaboracións culinarias son capaces de transmitir moitas sensacións. A laranxa é saudable e actívanos, a cor verde asóciase con comer san... A comida debe entrar polos ollos para que o noso cerebro cree vencellos afectivos... De aí a importancia que teñen as nosas presentacións, cores e empratados. Estas espetadas son de preparación moi sinxela, vistosas e proporcionan tanto sabor como valor nutricional.
Imprimir receita
Equipamento
- 1 Tarteira Para abrir os mexillóns
- 1 Tixola Para facelos á prancha e preparar a salsa
- 1 Relador Para a monda de lima
- 6 Pauciños de espetada pequena Insertar e presentar os mexillóns
Ingredientes
- 25 Mexillóns Frescos
- 100 ml Viño branco Albariño
- 1 Salsa de soia
- 1 Cullerada Aceite Xirasol
- 1 Lima
- 4 Ramiñas Ceboliño
Elaboración paso a paso
- Limpamos e abrimos os mexillóns cun chorro de auga, retiramos das cunchas e reservamos.
- Quentamos un pouco de aceite de xirasol, pasamos os mexillóns pola prancha a lume forte ata que se douren e retiramos.
- Na mesma tixola botamos o albariño cunha cullerada de salsa de soia, deixamos reducir, sen deixar de remexer e que non caramelice en exceso, que quede algo líquida.
- Montamos os mexillóns nos pauciños de espetada e quentámolos impregnándoos ben coa salsa.
- Servimos cun toque de rela de lima e ceboliño fresco acabado de cortar.