Roliños de cabaciña con salmón afumado
Imos cunha receita moi doada e lucida. Desas que tanto nos gustan a todos aquí: roliños de cabaciña con salmón afumado.Son ideais para unha cea lixeira, ou, eu sempre discorrendo maldades, para cubrilos cunha bechamel lixeira, gratinalos e que nos sirvan de prato de comida nunha versión xa un pouquiño máis contundente.Como vos dicía, é outra desas receitas de "mínimo esforzo, máximo resultado" que, ao final, son as que máis repetimos e das que máis botamos man.
Imprimir receita
Equipamento
- Tixola ou prancha para cociñar os liscos de cabaciña
Ingredientes
- 1 cabaciña grande e recta
- 150 g de queixo crema
- 50 g de eiruga ou rúcula
- 100 g de salmón afumado
- 2 culleradiña de mostaza amarela
- 2 culleradiña de mel
- 2 culleradas de aceite virxe extra
- 1 Lima
- Sal al gusto
- pementa ao gusto
Elaboración paso a paso
Preparación cabaciña
- Lavamos unha cabaciña anche e, sobre todo, que sexa recta.
- Cortámola en rebandas finas en sentido lonxitudinal. Podemos facelo cun coitello, ou, mellor, cunha mandolina.
- Nunha tixola pintada de aceite, imos dourando os liscos de cabaciña polos dous lados. Cando estean algo brandos, retirámolos e reservamos.
Montaxe rolos
- Sobre cada lisco de cabaciña ben estirado colocamos, por esta orde: Sal e pementa Un pouco de queixo crema ao gusto, para que se pegue o resto de ingredientes.
- Sobre o queixo, poñemos o salmón.
- Sobre o salmón, un pouco de eiruga.
- Enroscamos apertando un pouco os liscos de cabaciña co seu recheo e formamos os roliños.
Presentación
- Colocamos nunha fonte os roliños de cabaciña e vernizámolos cunha mestura de mostaza amarela e mel.
- Decoramos cun pouco de reladura de lima.