Xarrete ao forno
Hai receitas rápidas, sen complicacións, que co ritmo que levamos hoxe en día nos achegan moitos beneficios pero cando temos tempo para dedicar aos fogóns, iso é calidade de vida... O primeiro paso é o de ir ao noso supermercado de confianza e sentir e escoller os produtos frescos.É marabilloso chegar á casa e poder empregar ese agarimo... ese tempo. E cando se trata de guisos de carne, os sabores, os aromas e as texturas melloran considerablemente, incrementando así a calidade das nosas receitas.
Imprimir receita
Equipamento
- Cazola ou tarteira para guisar o xarrete
- Cazo para reducir a salsa
- Morteiro para preparar o adubo do xarrete
- Coador para coar a salsa ou prebe
Ingredientes
- Xarrete fresco de porco
- 250 ml de Oporto
- 1 l de caldo de carne sen sal
- 1/2 Cebola
- 1/2 Pemento vermello morrón pequeno
- 1/2 Pemento verde morrón
- 1/2 Allo porro , a parte branca
- 2 dientes de allo
- Morteiro: Sal, allo e pirixel
- 1 cullerada de aceite de oliva
- Pementa negra ao gusto
- Sal ao gusto
Elaboración paso a paso
- Adubamos o xarrete co adubo do morteiro.
- Selámolo nun fondo de aceite de oliva, retiramos e reservamos.
- No mesmo aceite rustrimos os allos, engadimos a cebola picada, pochamos a lume lento.
- Unha vez que comece a transparentar engadimos o allo porro e os pementos picados, seguimos pochando lentamente ata que reduza totalmente. Salpementamos ao gusto.
- Volvemos incorporar o xarrete, regamos co porto e deixamos reducir moi ben.
- Cubrimos co caldo de carne. A cantidade vai depender da pota. Debe cubrilo case de todo, non totalmente. Deixamos a lume lento como mínimo dúas horas; non salgamos.
- Unha vez pasado o tempo, coamos a salsa espremendo moi ben todo o zume das verduras. Pasamos a un cazo e reducimos a lume alto sen deixar de remexer ata obter a textura desexada.
- Unha vez reducida a salsa probamos e salpementamos ao gusto.
- Servimos sobre o delicioso e tenro xarrete, acompañamos ao gusto e a gozar.