receita
Hai unha receita para cada momento e en Gadis queremos compartilas todas contigo.
Roscón de Reis caseiro
Roscón de Reis caseiro que sabe a día de Reis. Perfecto para encher, aínda que tamén se pode comer tal cal.
Imprimir receita
Equipamento
- 1 Amasadora
- 1 Forno
Ingredientes
- 380 g fariña
- 40 ml leite
- 85 g manteiga de vaca
- 80 g azucre
- 50 g anís
- 3 ovos
- 1 xema de ovo Para pintar
- 15 g fermento
- Esencia de azar
- 1 cda azucre invertido Xenerosa. Pódese substituír por mel
- 50 g améndoa laminada
Elaboración paso a paso
- Facemos un prefermento con leite morno, unha cullerada de azucre, fermendo e un par de culleradas de fariña. Remexemos ata facer unha pasta ben espesa.
- Tapámola cun pouco de fariña para ir revisándoa, xa que, cando empece a levedar, esta vaise agretar e o prefermento empezará a asomar. Cando ocorra significa que está listo.
- Botamos todos os ingredientes (menos o mel e o azucre), incluído o prefermento, no bol da amasadora e amasamos durante 12 minutos.
- Deseguido, incorporamos o azucre, a esencia de azar e o mel/azucre invertido. Seguimos amasando outros 13 minutos para alcanzar un tempo de amasado total de 25 minutos.
- Agora deixaremos fermentar a masa ata que dobre o volume. Podes tapala cunha manta/pano e deixar que levede lentamente.
- Unha vez que dobre o volume, desgasificamos e dámoslle a forma do roscón. Poñémola na bandexa do forno con papel de forno e deixamos que volva levedar.
- Unha vez que dobre o volume, poñemos a quentar o forno a 170ºC.
- Pintamos a masa con xema de ovo e adornamos con azucre e anís e algunhas améndoas laminadas por enriba.
- Metemos no forno durante 20/25 minutos ou ata que estea ben douradiño. Deixamos arrefriar e a desfrutar.
