receita
Hai unha receita para cada momento e en Gadis queremos compartilas todas contigo.
Pan de quinoa
Tiña moitas ganas de preparar un pan sen fariña e este é o resultado. Delicioso!
Imprimir receita
Equipamento
- 1 Forno Para enfornar o pan
- 1 Procesador/batedor Para triturar os ingredientes
- 1 Molde rectangular Para botar a masa
- 1 Espátula Para introducir a masa no molde
- 1 Recipiente metálico Para engadir auga dentro do forno
Ingredientes
- 300 g quinoa hidratada 3 h antes
- 125 ml auga
- 60 g sementes de liño moídas
- 60 ml aceite de oliva
- 40 g sementes de xirasol
- 1 cdta sal
- 1 cdta bicarbonato
- 1 cdta zume de limón
Elaboración paso a paso
- Lavar a quinoa e cubrir con auga. Hidratar en auga durante 3 horas. Escorrer e reservar.
- Engadir as sementes de liño trituradas en 125 ml de auga e hidratar durante 1 hora.
- Prequentar o forno a 180ºC (calor arriba e abaixo) cun recipiente metálico na base.
- Triturar la quinoa hidratada, as sementes de liño, o aceite de oliva, o bicarbonato con limón e unha culleradiña de sal.
- Incorporar a masa nun molde rectangular e engadir enriba sementes de xirasol.
- Engadir un chisco de auga no recipiente metálico do forno e introducir o molde cola masa.
- Enfornar a 180ºC durante unha hora.
- Retirar e deixar arrefriar sobre unha bandexa de forno de reixa.
Notas
Se che gustan as rebandas de pan grandes, podes utilizar un molde máis pequeno.
