receita
Hai unha receita para cada momento e en Gadis queremos compartilas todas contigo.
Pan de brioche para torradas
Este pan de brioche para facer torradas é doado de facer e moi popular nos últimos anos. Non require un gran traballo e o resultado é boísimo. Tamén se pode facer para comer tal cal, en forma de torrada.
Imprimir receita
Equipamento
- Amasadora
- Molde tipo "plumcake"
Ingredientes
- 300 g fariña
- 90 ml auga
- 100 g manteiga
- 20 g fermento
- 2 uds ovos
- 1 pizca sal
- 90 ml mel
- 30 g azucre (podes cambialo por un adozante ao teu gusto, como panela, erititrol...)
Elaboración paso a paso
- Mete a auga uns segundos no microondas ata que estea morna e esmigalla o femento dentro.
- Engade todos os ingredientes menos a manteiga, no bol da amasadora e mestura durante 3 ou 4 minutos.
- Engade a manteiga en dados pequenos e fríos e segue amasando ata que a masa estea ben elástica.
- Tapamos o bol e deixamos que dobre o volume.
- Unha vez que se dobre o volume facemos dúas bólas e metémolas no noso molde tipo plumcake. Deixamos que volvan dobrar o volume.
- Quentamos o forno a 180 ºC
- Pincelamos por enriba cun pouquiño de leite ou ovo e metemos no forno durante 35 minutos.
- Deixamos arrefriar e cortamos en rebandas para facer as nosas torradas.
