receita
Hai unha receita para cada momento e en Gadis queremos compartilas todas contigo.
Guiso de falda de cordeiro
Unha deliciosa receita ideal para datas natalicias e para días de frío, rico en proteínas e en sabores mediterráneos.
Imprimir receita
Equipamento
- 1 Tarteira Para facer todo o guiso
- 1 Coador Para coar as verduras
- 1 Cazo Para reducir o prebe
Ingredientes
- 700 grs cordeiro falda
- 1/2 cebola
- 2 dentes allo
- 1/4 pemento vermello
- 1 cenoria
- 1 ñora deshidratada
- 3 cdas tomate natural relado
- 175 ml viño tinto
- Aceite de oliva
- Sal
Elaboración paso a paso
- Cortamos a faldra en anacos e salgamos.
- Selamos nun fondo de aceite, douramos e reservamos.
- No mesmo aceite, pasamos as verduras cortadas en anacos, o allo e a cebola. Un pouco despois, a cenoria e o pemento a lume medio baixo (non salgamos).
- Coamos o aceite do rustrido.
- Volvemos incorporar o cordeiro, mesturamos ben coas verduras, engadimos o tomate relado e subimos un pouco o lume. Deixamos que perda toda a auga.
- Regamos co viño e deixamos reducir moi ben.
- Engadimos 600 ml de auga quente (sen sal) e a ñora en anacos sen sementes. Tapamos e deixamos unha hora a lume moi baixo.
- Coamos as verduras, esprememos moi ben todo o seu líquido. Pasamos o prebe a un cazo e deixamos reducir a lume alto ata obter a textura desexada. Probamos o punto de sal por se temos que rectificar. Acompañamos dunhas ricas patacas fritas, ensalada... segundo o gusto de cadaquén.
