receita
Hai unha receita para cada momento e en Gadis queremos compartilas todas contigo.
Bacallau milagroso en tarteira
Se buscas unha receita doada, deliciosa e case máxica, este bacallau en tarteira hache sorprender. Bautizado como "bacallau milagroso", porque a súa preparación é tan simple que parece cousa de maxia: só hai que colocar os seus ingredientes principais en capas e deixar que o lume faga a súa maxia. Sen esforzo nin complicacións, conseguirás un prato cheo de sabor, perfecto para calquera ocasión. ¡O resultado é espectacular!
Imprimir receita
Equipamento
- 1 Tarteria baixa
- 1 Tixola
Ingredientes
- 500 grs lombos de bacallau desalgado
- 3 patacas medianas
- 1 cebola grande doce
- Ao gusto Aceite de oliva virxe
- 2 follas de loureiro
- 5 dentes de allo
- Ao gusto Sal
Elaboración paso a paso
Preparación
- Con axuda dunha mandolina cortamos en tiras finas unha cebola doce grande e 3 patacas coa monda ben lavadas. Reservamos.
- Nunha tarteira baixa e ampla ou nunha tixola que teña tapa, colocamos 3 dentes de allo esmagados e un bo chorro de aceite virxe.
Cocinado do bacallau
- Prendemos o lume e engadimos a cebola cortada que deixaremos facer, salgando levemente, durante uns 5 minutos.
- Pasado ese tempo, sobre a cebola, colocaremos as rodas finas de pataca, unhas follas de loureiro, un chorro máis de aceite e un pouco de sal. Tapamos ben e deixamos facer todo a lume medio uns 12 minutos. Engadimos o bacallau, outro pouco de aceite sobre el e volvemos tapar e cociñar uns 10 minutos máis.
Acompañamento
- Mentres, nunha tixola, rustrimos nun pouco de aceite virxe 2 ou 3 dentes de allo laminados. En canto collan unha discreta cor dourada, engadimos os pementos de lata escorridos (hai que conservar o líquido)
- Deixamos facer os pementos, meneándoos un pouco.
- Aos 5 minutos dámoslles a volta. Cando sequen, engadimos o zume da lata e meneamos ben para que espese ese zume. Deixamos facer mentres se fai o bacallau.
Presentación
- Comprobamos que a pataca estea ben cociñada e montamos o prato cunha cama de patacas e cebola, o bacallau sobre elas e con acompañamento de piquillos confitados.
