receita
Hai unha receita para cada momento e en Gadis queremos compartilas todas contigo.
Roliños de repolo, carne e arroz
Se buscas unha receita caseira, nutritiva e chea de sabor, estes roliños de repolo con carne e arroz son a opción perfecta. Trátase dun prato tradicional en moitas cociñas do mundo, dende Europa ata América Latina, onde a combinación de ingredientes sinxelos dá lugar a unha comida deliciosa e reconfortante.As follas de repolo envolven un recheo zumento de carne picada e arroz, creando un equilibrio perfecto entre textura e sabor. Cociñados a lume lento cunha salsa saborosa, vólvense aínda máis tenros e irresistibles. Ideais para un xantar en familia ou para preparar con antelación e levar no tupper, estes rollitos converteranse nun dos teus favoritos.Aquí cóntoche paso a paso como facelos para que queden perfectos.
Imprimir receita
Equipamento
- 1 Tarteira
Ingredientes
- 1 uds cebola
- 1 uds pemento vermello
- 200 g arroz cocido
- 100 g touciño entrefebrado en tiras
- 500 g tenreira picada
- 200 g tomate
- 1 uds repolo
- 300 ml caldo de carne
- Tomiño
- Sal
- Pimenta
- Aceite de oliva
Elaboración paso a paso
- Rustrir nunha tarteira ampla con pouco fondo, unha cebola picada. 5 minutos.
- Engadir o pemento vermello en anacos e deixalo 5 minutos máis.
- Engadir o arroz cocido e remexer. Engadir o touciño entrefebrado en tiras e a tenreira. Subir o lume e cociñar 5 minutos.
- Engadir sal, pementa, tomiño e salsa de tomate. Remexer para integrar. Reservar nunha fonte ata que quede morno.
- Ferver as follas de repolo en abundante auga con sal. Serán abondos 5 minutos, ou ata que estean algo brandas pero que sigan mantendo unha textura que non rompa.
- Formar rolos coas follas e o recheo. Dispoñer os rolos na tarteira onde fixemos o recheo e engadir o caldo de carne.
- Cociñar a lume medio 20 minutos.
- Servir co recheo que nos sobrou.
