receita
Hai unha receita para cada momento e en Gadis queremos compartilas todas contigo.
Barriñas de chocolate crocantes
Barriñas de chocolate crocantes, unha receita moi sinxela de facer e ideal para levar como petisco doce ao cole ou á oficina.
Imprimir receita
Equipamento
- 1 Molde rectangular ou bandexa
- 1 Bol
Ingredientes
- 300 g chocolate con leite
- 250 g cereais de millo
- 50 g albaricoques deshidratados ou outra froita deshidratada
- 50 g chocolate branco para decorar
- 30 g manteiga
- 30 g améndoas
- 50 g estreliñas de azucre ou boliñas para decorar. Opcional.
Elaboración paso a paso
- Cortamos en onzas o chocolate, botamos a manteiga e levamos todo ao baño maría ata que se derreta.
- Mentres, cortamos a froita que vaiamos botar en anaquiños.
- Tamén preparamos o noso molde ou bandexa.
- Nun bol botamos os cereais, as améndoas e a froita.
- Cando o noso chocolate estea derretido, vertémolo sobre o noso bol e remexemos para bañar todo en chocolate.
- Unha vez lista a mestura, botamos todo no noso molde. Apertamos un pouco para que estea compacto e que quede despois máis bonito.
- Metemos na neveira para que arrefríe o chocolate. Uns 30 minutos é suficiente.
- Cun coitelo cortamos en porcións pequenas e volvémolas colocar na mesma bandexa,
- Derretemos ao baño maría o chocolate branco e metémolo nunha manga pasteleira. Cortamos a punta da manga e decoramos co chocolate branco.
- Engadimos a nosa decoración, esperamos que o chocolate volva arrefriar e... a desfrutar.
