receita
Hai unha receita para cada momento e en Gadis queremos compartilas todas contigo.
Empanadillas de polbo con pemento doce y queixo de tetilla
O polbo é un dos pratos máis apreciados da gastronomía galega. A maneira máis coñecida de preparalo é á feira. Hoxe imos darlle unha volta a esta famosa preparación do polbo á feira onde se converterá na base dunhas incribles e deliciosas empanadillas que acompañadas dun fantástico queixo fundido de tetilla quedan espectaculares.
Imprimir receita
Equipamento
- 1 tesoiras (para cortar o polbo)
- 1 Papel de forno
- 1 Pincel (para pintar as empanadillas)
Ingredientes
- 250 g polbo (cocido)
- 1/2 queixo de tetilla
- 10 obleas de empanadillas
- 1 ovo
- 1 cdita pemento doce
- Aceite de oliva virxe extra
- Sal gordo
Elaboración paso a paso
- Cortamos o polbo en talladas.
- Sazonamos ao gusto con aceite de oliva virxe, pemento doce e sal gordo.
- Prequentamos o forno a 180º.
- Colocamos as obleas sobre a bandexa con papel de forno.
- Poñemos un bo anaco de queixo de tetilla e mais algunhas talladas de polbo.
- Pechamos as empanadillas apertando moi ben as beiras.
- Pintamos con ovo batido.
- Enfornamos ata que estean ben douradas.
